Í CABAS-útgáfunni í júní er að finna nokkrar endurbætur m.a. varðandi meðhöndlun mynda en nafn myndar fylgir nú með þegar mynd er vistuð á drifi. Þá kemur nú upp ábending um að athuga dagsetningar þegar skýrsla er send til tryggingafélags. Nánar má lesa um það hér að neðan.

Eftir að útgáfufréttirnar hafa verið lesnar eru þær áfram aðgengilegar í CSP í skilaboðunum efst til hægri.

Nýtt skipulag á gagnagrunni

Gagnagrunni hefur verið skipt niður í flokka til þess að auðvelda meðhöndlun.

Nýjar verðupplýsingar í DMS-samþættingu

Nú er mögulegt að tengja viðskiptakerfi við fleiri verð og afslætti í CABAS. Nú er hægt að senda frá viðskiptakerfi, Eigið listaverð, Afslátt og Innsett verð. Hafið samband við þjónustuaðila viðskiptakerfis til þess að fá nánari upplýsingar.

Ábending um dagsetningar þegar skýrsla er send

Þegar senda á skýrslu til tryggingafélags kemur nú upp áminning um að athuga dagsetningar í skýrslunni. Þar birtast komudagur, lokadagur og fjöldi daga.

Hægt að sjá bótaskyldu á forsíðu og leitarsíðu

Nú er hægt að setja inn sér dálk á forsíðu fyrir Bótaskyldu. Þegar það er gert er einnig hægt að leita að skýrslum eftir bótaskyldu á leitarsíðunni.

Meðhöndlun ljósmynda: nafn myndar fylgir nú með skráarnafni þegar mynd er vistuð á drifi

Þegar mynd er flutt yfir á drif úr myndmeðhöndlun þá fylgir nú nafn myndarinnar með skráarnafninu. Nafn skrárinnar verður þá: skráningarnúmer.raðnúmer.myndarnafn.dagsetning&tími.jpg

Númer tjóns og númer tryggingaskírteinis koma nú í sömu röð í tjónssvari og skýrslu og hægt er að sjá öll tjón fyrir ökutækið

Þegar send er fyrirspurn um tryggingu og tjón er nú hægt að velja að fá upp í innanhússtjónssvarinu fleiri tjón fyrir viðkomandi ökutæki. Þetta er gert á eftirfarandi hátt: eyða tjónsnúmeri á tjónasvarssíðu og smella á takkann Tryggingafyrirspurn og koma þá upp öll tjón fyrir ökutækið. Niðurstöðurnar eru háðar því hvernig viðkomandi tryggingafélag hefur sett upp upplýsingarnar hjá sér.

Hægt að skrá sambandsupplýsingar fyrir eiganda ökutækis í innanhússtjónssvarinu

Nú er hægt að gefa upp sambandsupplýsingar eiganda ökutækis í innanhússtjónssvarinu til dæmis til þess að tryggja að SMS-skilaboð fari til réttra aðila.